«Менің әдеби кейіпкерім»

«Шынжылы негізгі орта мектебі» 

коммуналдық мемлекеттік мекемесі

«Менің әдеби кейіпкерім»

2022-2023 оқу жылы

Менің әдеби кейіпкерім 

Шынжылы негізгі орта мектебі 

Кітапханашысы

Урозбоева М.Ж

Мақсаты: білімнің кітап арқылы берілетінін ұғындыру, кітаптың адам өміріндегі маңызы, ғылым мен білімнің маңызы жайлы түсіндіру; Оқушыларды көркем әдебиет, оқулықтар оқу арқылы сауатты, білімді болуға, адамгершілікке ізденімпаздыққа, мәдениеттілікке қоршаған ортаны аялауға, дүниетанымын қалыптастыруға, ой-өрісін кеңейтуге, сөйлеу мәдениетін, тіл байлығын дамытуға тәрбиелеу.

         Көрнекілігі: Кітаптар, «Менің әдеби кейіпкерім» атты кітаптар көрмесін ұйымдастыру.

Кітапханашы: Құрметті  оқушылар! Қазақстан – тәуелсіз мемлекет. Тәуелсіз елді өркениетті әлемге танытатын, дамыған елдер қатарында терезесін тең ететін күш -  білім және білімді ұрпақ. Білімді ұрпақ – егеменді елдің берік тірегі. Білімді болу үшін рухани жан дүниеңіз бай, оған қоса адамгершілік, ар-ұят, кішпейілділік, ізгілік, қайырымдылық қасиеттер болу керек. Осындай ізгі қасиеттерді, рухани байлықты, сөз өнерін біз оқырмандарға кітап арқылы насихаттаймыз. 

 Кітап адам өмірінде аса маңызды рөл атқарады. Компютер, теледидар және ұялы телефон ғасырында кітап бұрынғысынша әрқайсымыздың ең сенімді өмір серігіміз болып қала береді. Қазіргі таңда жан жақты тәрбие берер мәдени орындардың бірі – мектеп кітапханасы. Балалардың кішкентай  кезінен кітапқа деген сүйіспеншілігін, оқуға деген ынтасын арттыру – біздің міндетіміз. Осы мақсатта бүгінгі «Менің әдеби кейіпкерім» атты кітап таңдауды бастауға рұқсат етіңіздер! 

        Әлемдегі қызықтың бәрін, қоршаған ортаны,жаратылыс сырларын, табиғат ғажайыптарын адам қолымен жасалған кереметтің бәрін кітаптан табуға болады. Кішкене ғана кітап сандықшаға осының бәрі қалай сыйып кеткен деп те таңданасың. Адамның ақылшы досына, сырласына, айналған бұл алтын қазынаның шығу тарихын, ол жайындағы ғажайып қызықтарды біле бермеулерің мүмкін. Осыған азырақ тоқтала кетейік.

Балалар, мектеп кітапханасына көптеген балаларға арналған әдеби кітаптар келіп түсті.Бүгінгі дөңгелек үстелге кітапханадан әдеби кітаптарды алып оқыған кішкентай оқырмандар келіп отыр. Қазір осы оқырмандар өз ойларын ортаға салады. Менің жас кітапқұмар оқырмандарым, сендер бүгінгі күні қандай кітаптар оқып жүрсіңдер? Соңғы оқыған кітаптарың туралы ой бөлісейік. Ол кітаптар сендердің ойларың мен бойларыңа қандай өзгерістер әкелді?      

Кітап туралы, оның қасиеті туралы айта беруге болады. Ұқыпты, тәртіпті, тәрбиелі баланың қолына түссе, кітап қызыққа толы. 

Келесі сөз кезегін мектеп директорының тәрбие ісі жөніндегі орынбасары Көпенов жаңабек Елемесұлына береміз. 

Кітапханашы: Кітап оқу - өнер. Уақыт талабына сай кітапсыз, жаңалықсыз ешкімнің де алға баса алмасын козімізбен көріп отырмыз. Оқырмандарды зерттеу, оқырмандар талабымен санасу біздің жұмыстарымыздың негізгі бағыттарының бірі. Жаңа заман компютер дәуірі болғанымен қолыңа кітап алып оқығанға не жетсін! Рухани азық іздеген, көзі ашық, көкірегі ояу әрбір адамның келер шаңырағы – кітапхана. 

Құрметті оқушылар мен ұстаздар, осымен «Менің әдеби кейіпкерім» атты кітап таңдау  кешімізді аяқтаймыз. Кітаппен дос болайық. Оқырмандарымыз көбейе берсін!

Урозбай Аяла

8-сынып оқушысы.

Сәлеметсіздерме құрметті  оқушылар! Мектеп кітапханасы – көпшіліктің келетін орны, жас ұрпаққа тәлім- тәрбие берумен қатар рухани жан дүниесін байытатын киелі шаңырақ. Мен өзім кітап оқығанды жақсы көремін. Мектеп кітапханасынан көптеген кітаптар алып оқыдым. Атап айтсам, Алмагүл Қаржаубаеваның «Сыр самалы» кітабын, Абай Құнанбаевтің өлеңдер жинағын, көптеген ертегі кітаптар алып оқыдым. Сыр самалы кітабында осы қасиетті Қазалы топырағында дүниеге келген Ғани ағамыз бен Роза Бағланова апайымызға арналған өлеңдерді оқыдым. Бірде мен мектеп кітапханасынан «Менің президентім», «Ақ патша» атты қазіргі заман желісіндегі ертегі кітап алып оқыдым. Оның ішінде Елбасымыз Нұрсұлтан Әбішұлы Назарбаевтің балалық шағы туралы және халық қаһарманы, әнші Роза Тәжібайқызы Бағланова туралы жазылған екен. Мен сіздерге осы туралы айтып берейін. Нұрсұлтан атамыз дүниеге келген күні аспаннан жарық сәуле құйылып, жұлдыздар жарқырап, аспанды ғауһар тас секілді көлемді жұлдыздар көмеді. Ол жарық күнде туылғасын анасы атын 

Нұрсұлтан деп қойып, «Нұрсұлтаным нұр болсын, өмірің бақытқа кенелсін деп ақ батасын береді. Ол өте ақылды бала боп ер жетті. Сыныпта ол жақсы оқып, үлгілі бала болды. Әскерге барды. Жастар көшбасшысы болды. Уақыт өтіп, жылдар тарих қойнауына еніп жатты Құрметті кітапханашы апай, сізге көптен көп рахметімді айтамын, мен мектеп кітапханасынан үзбей кітап алып оқып тұрамын. 

Қайрбек Айдана

8-сынып оқушысы. 

Кітап - адам баласының ақыл-ойын сақтап, оны ұрпақтан ұрпаққа жеткізіп отыратын, білім және тәрбие беретін құрал. Кітап сенің ақылшың, досың, сырласың. Ең алғаш дүниеге келгенде анадан тәрбие алсаң, өсе келе ер жетіп, мектепке келгенде қолыңа ұстап, білім көзін ашатын,өмір қызығын көрсететін, дүниенің сырын ұқтыратын кілт - кітап екенін білесіздер. Кітап оқи білу адамның есте сақтау, түсіну, ұмытпау қабілеттерін арттырады. Бұл кітаптар қайдан шығатынын, онда қаншама кемеңгер адамдардың ойлары, зерттеулері, пікірлері сақталатын қол жетпес алтын сандық десек те, артық болмас. Мен мектеп кітапханасынан көптеген кітаптар алып оқыдым. Түстен кейінгі бос уақытымды мектеп кітапханасында өткіземін. Маған энциклопедиялар, тарихи кітаптар ұнайды. Мен сіздерге соңғы оқыған кітабым туралы айтып берейін. 

Мен мектеп кітапханасынан «Тарихи  тұлғалар атты кітап алып оқыдым. Бұл кітапта Керей, Жәнібек, Қасым, Хақназар, Тәуекел, Тәуке, Әбілқайыр, Абылай сияқты хандардың жау қолында қалған қазақ жерлерін азат еткендері, көрші елдермен тату-тәтті қарым-қатынастар орнатқандары айтылған. Халықтың бейбіт өмір сүруі үшін күш салғандары жазылған. Және де бұл кітапта Төле, Қазыбек, Әйтеке билеріміз туралы да жазылған. Билердің ұлт билігін нығайтып, халықтығын сақтауға басшылық жасағаны, ел бірлііг мен жердің тұтастығын сақтауға ерекше мән бергендіктері айтылған. Маған бұл кітап өте қатты ұнады. Мен мектеп кітапханасынан әлі де көптеген кітаптар алып оқимын. 

Асылбекқызы Ақерке

8-сынып оқушысы

Кітап – ғажап дос. Ол өмірдің қиын сәттерінде сенімді сырласың болады. Біздің ата-бабамыз «Кітап  - көп ақылдың құйылған көлі», «Кітап –білім бұлағы, білім өмір шырағы», «Кітап ғажап дос»  деп бекер айтпаған. Барлық білімді біз кітаптан аламыз, кітап бізді қайырымдылыққа адалдыққа, әділеттілікке, зұлымдықпен күресе білуге үйретеді. Егер адам кітап оқыса, ой-өрісі кеңейіп, жақсылық істеуге, жамандық деген нәрсені мүлдем ойламауға үйретеді. Қазіргі таңда аудан көлемінде көптеген кітапханалар жұмыс жасайды. Солардың бірі біздің мектебіміздегі кітапхана. Мен білмеген нәрсемді осы кітапханадан оқып үйренемін. Мен қазіргі кезге дейін мектеп кітапханасынан  қырыққа жуық кітап алып оқыдым. Менің мектеп кітапханасынан алғаш алып оқыған кітабым – Қозы Көрпеш Баян Сұлу болды. Бұл кітаптан мен Қодар сияқты адамдардан алыс жүруді, Қозы сияқты адал болуды үйрендім. Сылайша менің кітап оқуға деген құлшынысым артты. Сонымен бірге «Қазақ батырлары»,  «Абылай хан», «Шыңғыс хан», «Бейбарыс Сұлтан», «Әл Фараби», Сыйқырлы жұлдызша», «Атамекен сыйқырлы елінің аңыздары» сияқты кітаптар оқыдым. Бұл кітаптар менің өміріме үлкен өзгерістер әкелді. 

Мен бұл кітаптарды оқығаннан кейін Шыңғыстай айлалы, Әл-Фарабидей ойшыл, Бейбарыстай ойшыл болуды үйрендім. Сондықтан да менің мектеп кітапханасына, кітапханашы апайларға айтар алғысым шексіз.